بترجي منك لو أمل

دمي وجسمي يحنلك
عقلي وفكري بيرفضك
فيك شئ جميل ومستحيل
ألاقي زية لو بديل
مجبر أحبك مش بطل
ومش خجل
بترجي منك لو أمل
أشوف بصيص نهر الأيمان
بيروي أرض أتبورت
علشان يعود فيها الأمان
مين الي خاين؟!
الكل خان.
حتي أنت بردة يا وطن
محتاج تتوب
من الي كان
ويعود زمان الأحتضان
سارح بفكري ف محنتك
وبقلمي برسم بدلتك
خيوطها كانت م العمل
ولونها كان حب وأمل
والفرحة فيها مرفرفة
والمعني فيها بيكتمل
جرحك في قلبك يابلد
الجرح لازم يندمل
ياسفينة ماشية بتتخرق
مش عيب عشان ما تتسرق
لكن أكيد لجل الغرق
لازم هاترسي لشطنا
أية كان فرق
ماكتير قابلتي وفي النهاية
فوزنا السبق
لو حتي نشفت ميتك
هانملي بحرك ياوطن
بحرين عرق