بتبكي لية؟!

بتبكي لية؟!
الحلم لسة ف أوله مهاينتهيش
وأنا حبي خالد للأبد
مدمعيش.
عيشي حياتك وأفرحي ميهمكيش
بتبكي لية؟!
معاكي قلبي هايحضنك
وقت الفراق.
كفايه حزنك والألم الخلق داء.
لسايا بستني الصباح...
يمكن أعيشلك وأبتدي...
وأنسي الي راح.
العمر لسة ف أوله...
وفية براح.
بتبكي لية؟!
ولساني بيطلع حروف.
أقادر أكمل كلمتي....
رغم الظروف.
بكفايا طبطبة الأدين.
عنيا لسة مفتحه....
لسة بشوف.
بتبكي لية؟!
لية شافايفك ترتعش؟!
دول ماخلوقين للأبتسام.
علشان يغازلو كلمتي....
وسط الكلام.
بتبكي لية؟!

صرخه

ليه طريقي ف اوله مليان شموع؟!
ولمااجي اكمله......
الفرحه تقتلها الدموع
ليه صديقي يبقي خوف؟!
م الضلمه مش قادر اشوف.
ملعونه رعشه خطوتي....
ملعونه حتي دي الظروف.
ليه وليه وليه وليه.....

كتر السؤال معناه في حد بيشتكي.
مستني أيه؟!
مستني اضيع؟!
مستني أيأس أو تبيع؟!
ازاي ملاك؟!
يرسم مصيره يحدده....
براكين هلاك!
فاكر زمان؟ فاكر عهودك...
والي كان؟
ياااااااااااااااااااااه
معقول هاتنسي!
دا لو نسيت.
يبقي الملاك اصبح شيطان.

(تصفح)

واجه مشاكلك حلها وأفتحلها مليون كتاب

لية تنسطل ليه الغياب

إفتح كتاب الصبر ممكن ينفعك

أيوب وصبره ف محنتة

لوحده ممكن يدفعك

كتاب إيمنا ب القدر

أوعاك تضيع إلي باقي

من عمرك هدر

دا العمر ممكن يخدعك

عمرك ما تعمل من مفيش

ولا الفنوس هايندعك

إفتح كتاب العقل الي ناوي تغيبه

وإيه يا صحبي بعد عقلك

من ربي ممكن تطلبه

جواك معاني مكسره

بترجع الدنيا لوري

إفتح كتاب المعاني لمعني ممكن تفهمه

معني جمـــــــــــــــــــــيل

ليه تظلمة

ليه الشقى ليه الأيادي مشققة

إفهم بقي

ليه تقول أنك رخيص

ميـــــــــــن رخصك

وربي لسه مكرمك

الحلم عمره مكان كابوس

دي بزره سوده مفحمه جوه النفوس

إزرع في قلبك زرع أخضر

وإدعي ربك أنه يكبر

سعتها تلقي الدنيا تصغر

تصبح رماد

لية العناد

فين إيمانك تجعله في القلب 

زاد

الحق عمره ما يتخرص

والظلم عمره مكان وريث

لدنيا زايله ماتتورث

والمشنقه علقها أنت لزكرياتك

واحيي روحك من مماتك

وارفع صوت الحق دايما

طهرو من خوف سكاتك

دعوه الي الوحده

لما طين الارض ينبت برعم اخضر ايه مصيره
هل هانتمتع بخيره
وسط ناس متفرقه
متجمعه علي الخراب
ناس بتقتل ورد جيل
وتحوله لكوم تراب
امتي نفهم او نفوق
امتي نرفع راسنا فوق
امتي نتهجي الكلام نفهمه
يصبح عروق
رافضه كل اجير عميل
رافضه كلمه مستحيل
رافضه شمس نهارنا تغرب
والصحيح يصبح عليل
امتي اشوف بلدنا جنه
فيها كل شئ جميل
ناس تحب بعضها
ناس تخاف علي ارضها
لما حد يحب يفهم
نبقي له احنا الدليل
يله هات ايدك في
ايدي
نبقا واحد
يبقي دمك في وريدي
يبقي جرحك هو جرحي
برده عيدك يبقي عيدي

إية القرار؟!

همس بعتاب
فتحلي باب
أعيد صياغة دنيتي
ف كلمتين
من بين ضباب
شايف ملامح نجمتي
بين الأنين
بتحبني
رغم ألي كان
رغم الدموع رغم الهوان
موجود حنان يكفي ميت مليون
سنه
أن الأوان
تفك أثر الشرنقة
تملي عيونك ب اللقي
ويعود زمان الأحتضان
لكني برده بسئلك
داحب دا ولا إنتحار
مربوط مصيرك ب الفشل
سنتين ألم
ساعتين عسل
أيه القرار
لساكي بردة بتحلمي
يا بنتي فوقي
الحلم أشبه ب القمار
أملك ف أنك تكسبي
لكن بنرجع للدمار
أيه القرار
أية القرار